भाग ८२ घपरोल

भाग ८२       

सुबेर-सुबेर घपरोल

Jump to navigationJump to search

" आजो गढवालि चुटकला" " "

"सुबेर"सुबेर घपरोल"

श्रीमान जी(फूनपर),"हाँ बौ। सिमानी। शुभ प्रभात"

पुष्पा बौ,"यो कन च दांतो दर्द। "

श्रीमान जी,"बौ ठिक च अब।"

पुष्पा बौ,"मतबल,म्यार जंतर मंतर काम कैरि ग्या ।निथर तेरि हेमामालिनी त गौरु डाक्टर मा लिजाणि छै त्यार दांत तुड़ाणो कोटद्वार ।"

श्रीमान जी,"ना बौ।मंतर मुंतर त आपरि जगा पर दवै एंटिबाइटैक खैक ठिक ह्वै ग्याइ। भौल परस्यों छौं जाणु कोटद्वार । जरा गौं मंदिर बि जाण अर बरफ बि पोड़ि ग्याइ बल गौं मा त बरफ दिखणो बि।"

पुष्पा बौ,"तू होस्पिटल गै क्या?म्यारु घुणदो मंतर तैं झूठा बताणो अब। खबरदार जू हमार ध्वार आई तब।"(फोन बंद)।

श्रीमती जी,"क्य फरमाणै वा तुमार पातर पुष्पा बौ।झूठ किलै बुना तुम। चौबिस घण्टा झूठ । होस्पिटल त गै हि नि छवा त दवै कू खैन तुमन।"

श्रीमान जी,"बेटी नि लिखैन डाक्टर मा एम्स उड़िसा बिटी।"

श्रीमती जी,"झूठी मूठि गप्प त ऐ आदिम मा सुणो तुम. कब ग्याव तुम एम्स उड़ीसा ।

श्रीमान जी,"अरे विडियो कान्फ्रेस से दिखै बेटि न आपर एम्स उड़ीसा डाक्टर मा. बस वेन ब्वाल इन्फैसन च. पांच दिनों पर्चा भैजि वट्स ऐप पर। एम्पिसिलोन अर जिरोडेल एक एक गोली सुबेर शाम खेकि तीन हि दिन मा आराम।

श्रीमती जी,"मतब। तुमन बेटी-जवैं तै बि भड़कै याल कि मि खाणो नि दिंद।"

श्रीमान जी," जन जैकि सोच। हाँ इन जरुर ब्वाल कि गौरु डाक्टर मा नि जैन."

श्रीमती जी,"म्यार दगड़ किलै नि करै बेटी दगड़ बात।"

श्रीमान जी,"ना बोलि वीन. कि डाक्टरो सामणि माँ तैं दूर हि रखिन विडियो मा निथर अपणि कानी शुरु कैरि द्य्यालि।

श्रीमतीजी,"मतबल बेटी जवैं बि म्या खिलाफ भड़कै यैन ये आदमिन।"

श्रीमान जी,"कैते नि तेरी आदत बड़बड़ करनो। ब्वाल कि गौं बिटी आणो बाद वखि एम्स उड़िसा मा दिखोला पर ब्वै तैं नि आणि चयेणि।

श्रीमती जी," मेरी भां जखि जांदा। पर मिन त ना कुछ कार अर ना कुछ ब्वाल . . .

(घपरोल जारी)

विश्वेश्वर प्रसाद-(सिलस्वाल जी)

समाज व साहित्य सेवा।मूल निवास -कड़थी,लैंसडाउन तहसील,पौड़ी गढवाल (उत्तराखण्ड )