भाग ९९
सुबेर-सुबेर घपरोल
" आजो गढवालि चुटकला" " "
"सुबेर-सुबेर घपरोल"
****************
श्रीमान जी," आज त बड़ी खुशी खबर मिल भै।
श्रीमती जी," जरुर तुमारी वी पातर पुष्पा बौ क फून ऐ होलु।
श्रीमान जी," तू त पक्कू भविष्य वक्ता ह्वै गै भै।
श्रीमती जी," मि त वीं पातरो अर तुमारी नस-नस से वाकिफ छौ.
श्रीमान जी," पूछणी नि छै कि खुश खबरी क्य च?"
श्रीमती जी," क्य हुण.फिर क्वी काम ह्वाल वींक। त पितलि गिच्ची कैरिक बात करणि ह्वैल।
श्रीमान जी," सदानि उल्टी सोच तेरी। अरे बल। बौक भुलिक फोन आई छै कि वा अब खुश च.त्यार भै वू मौसींक लड़िक जैन वींक दगड़ भगैक ब्यौ कार अब बल उत्तराखण्ड सरकार मा सरकारी नौकरी लगि ग्याइ। अर समझौता भी व्है गै बल कोर्ट मा।
श्रीमती जी," मि त पैलि बुलदू छ्याई कि म्यार भै आच्छु च. वीं पातरो भुलि पर ही जादा नखर्याट छै।
श्रीमान जी,"ब्वा भै ब्वा। अब क्य पासा पलटि गै। वैदिन त बुलणि छै कि हमारो क्वी मतबल नि वै से। मौसा जीक परिवार भैर कर्यूं ऊ अखबार मा विज्ञापन दैकि।
श्रीमती जी," ठिक त ब्वाल मिन। वीं पातरो फौजी भै मा पिटवाण छ्याइ मिन तुम. जेल डालना तैयारी छै वूंक। नकली जीजा बणिक त तुमि गै छ्याइ कोर्ट मा वूंक ब्यौ कराणो।
श्रीमान जी," मि त बौक भुलिक भविष्य सुधारणो वास्त गै छ्याइ।"
श्रीमती जी," ये आदिम बराबर आलि-जालि त क्वी नी। आपतें जादा हि हुशियार समझूद अर हमेशा फसीं जांदू।
श्रीमान जी," अरे गिरते हैं सह सवार मैदाने जंग में।
चलो बौ अब कुछ खुश त ह्वाइ ईं खबर सुणि। मिते बि भौत चिंता छै.
.
श्रीमती जी," हाँ सुबेर-सुबेर अब वींक देहलि पर पौंचि जेलु चाय क तुरांग पिणो। खबरदार जू अब वींक भकलोण मा आई त। जब तक वा नाक रगड़िक माफी नि मांगदि म्यार सामणि। पटवारी मा कन पिटवै द्य्याइ छै तुम। अर हमार पुंगड़ि पर कब्जा कैरिक गौं मा टाॅयलट बणै याल।
श्रीमान जी," कतना बार ब्वाल कि पटवारी मि पिटी नि छौं। पर दुन्या मा तिन मिते अर बौ तै बदनाम कैरि याल कि मि पटवारिन मार छौ।
पर बौक भुलिक अर त्यार मौसेरा भैक मुकदमा मा समझोता हुणो मुबारक बाद त दैकि आंदु।
श्रीमती जी," हत्या करण अर हत्या प्रयास करण इकु धारा लगदी। पटवारी मा पिटै नि त पिटवाणौ बुकै त छैं च।मिन सीधा तुम पर हि मुकदमा कैरि दिण हाँ महिला आयोग मा हेरेसमेंट कू । अगर वख जांदा त। बाकि जखि जांदा।
श्रीमान जी," ये मोबाइल से बि तू जादा हि पैढि गै अजक्याल। पता नि कोर्ट कचहरी क्य -क्य दिखणि पढणि रैंद गूगल बाबा मा।
मि दूध लिणौ जांदु। पर मिन त कुछ बि नि ब्वाल. . .
(घपरोल जारी).
0 टिप्पणियाँ